Admin
Admin
المساهمات : 151
تاريخ التسجيل : 21/06/2010
العمر : 31
 |  موضوع: حوار لذيذ اوى يضحك موووووووووووووووووووووووووووووت  الأربعاء يونيو 23, 2010 5:20 pm | |
| بسم الله الرحمن الرحيم ....
حوار لذيذ
بين
الجدة وابن ابنها
عايز يستلف منها فلوس
ياترى ربنا هيوفقه في المهمة الصعبة دي
ولا ايه اللي هيحصل ؟
هو : إزيك يا ستي .
هي : بنتي .. إيه بنتي دي يا قليل الأدب .
هو : يا ستي بقولك إززززززززززيك يا ستتتتتتتتتتتتي .
هي : إنت بتزعق ليه يا واد إنت أنا بافتكر بتقول بنتي .
هو : بتفتكري إيه !! هو إنتي يا ستي حتى بتفتكري إسمك .
هي : جسمك .. ماله جسمي يا قليل الأدب .
هو : يا ستي إرحمينا شويه بقى وشيلي الزلط اللي في ودانك .
هي : قدامك !؟ هو إيه اللي قدامي يا واد أنت .
هو : يووووووووووووه ياد النيلة .
هي : البليلة .. أه البليلة حلوة والله .. دا حتى أنا نفسي في طبق بليلة باللبن كده يا واد وعليها شوية مكسرات وكده يعني .
هو : يا حول الله يا رب هو حد جاب سيرة البليلة يا ناس .
هي : القلقاس !؟ أه بحب القلقاس أهو كله نعمة ربنا .
هو : يا ستي أبوس ايديكي ارحميني أنا لا جيبت سيرة قلقاس ولا أناناس .
هي : لأ لأ لأ عيب يا بني .. عيب لما تجيب في سيرة الناس .
هو : يا ستي هو أنا جيبت في سيرة حد .
هي : أه يوم الحد كان إمبارح بس والنبي يا بني ما أنا فاكرة النهاردة إيه !!؟ يكونش النهاردة الجمعة يا واد .
هو : لا يا ستي النهاردة الخميس .
هي : البوليس !! وعايز منك ايه البوليس إنت عملت إيه يا منيل على عينك؟
هو : يييييه بقولك إيه يا ست نفضي ودانك وطرطقيهم كده وإسمعيني .
هي : رضعيني !! أرضعك إيه ياواد أما إنك قليل الأدب صحيح .
هو : يا ستي أنا إتفطمت من زمان الحمد لله بس عايز منك قرشين كده سلف .
هي : علف !! إنت بتربي بهايم يا واد ؟؟
هو : يا ستي بقولك سلف !! سلفيني خمسين جنيه عايز أشحن التليفون .
يا ستي حرام عليكي الرحمة حلوة برضه أبوس ايد اللي خلفوكي عايز خمسين جنيه سلف علشان أشحن .
هي : أشتم !! وكمان عايز تشتم يا قليل الأدب .
هو : بقى كده يا ستي طب ماشي خدي عندك بقا !! بقولك إيه يا ستي .
هي : وظيفتي .. وظيفة إيه يا بني أنا طالعة على المعاش من زمان .
هو : رمان إنتي عايزة يا ستي تاكلي رمان .
هي : أه نفسي في السمان .. هو فيه سمان دلوقتي يا بني من بعد أنفلونزا الطيور .
هو : أه العبور !! أه ده كان سنة ثلاثة وسبعين .
هي : سامعين ؟؟ سامعين إيه خير اللهم إجعله خير هو فيه حاجة .
هو : بتقولي ايه يا ستي .. عايزة قهوة سادة .
هي : عيادة .. عايز توديني العيادة ليه يا بني هو أنا عيانة .
هو : صقعانة .. صقعانة ليه بس يا ستي دا حتى الجو النهاردة حر .
هي : كفالله الشر !! شر إيه يا بني اللى بتقول عليه ده .
هو : بقولك إحنا على البرررررررر .
هي : أه يابني منا عارفة الخروف ليه فرو .. وبيبقى كمان تخين .
هو : أه إبنك حسين !!.. ماله إبنك حسين .
هي : العجل سمين !! أه هنجيب إن شاء الله في العيد عجل ندبحه ولازم يكون سمين .
هو : إيه يا ستي بتقولي ايه .. أسفين .. طب أسفين ليه !!
هي : عايز خمسين جنيه !! طب مش تقول كده من الأول هو أنت مكسوف منى يا واد ههههههههه .
هو : ياااااااااااااااااااااااه أخيراً يا ستي الحمد لله .. هاتي بقى .
هي : أجيب إيه ؟
هو : هاتي الخمسين جنيه !!
هي : تحسين بيه .. تحسين بيه مين يا واد .
هو : لالالالالا كدة كتيييييير عليا اوووووي
مشششش عايز منك حاجة ياست
انا اللي جبت ده كله لنفسي
انا اللي جبت ده كله لنفسي
انا اللي جبت ده كله لنفسي
وفى الاخر الغلبان بقى يشد ف شعره وهو ماشي
يارب يعجبكم | |
|
